*** फांसे बिफांनि रोदा ***

*** फांसे बिफांनि रोदा ****
   By :- Bangbula Brahma Uzir

*गोजाम बिदिन्थानि बुब्लिनिफ्राय
रुगुं मोनहासयै फोथाराव
हाग्रा दुफावनाय जाहारबारियाव
सोरजिजानाय राजनि राज्योआ ।

थैनि गाबजों सोमजिनाय
आगानारि आगाजों जिउगोनां जिबआ
बेसे कौटिल्य मायनाराव
खिलिनाय , थमेनजेननाय ।

आनाननि सोरजिस्लुनाय
बिगा मोनसे हायाव
दावदाब गोर्बो गोसोनि
आंगो फांसे बिफांनि थैआ
गांखं गांजों हांखो लिरथिबाय
बैरागि हादर लाइसियाव ।

गिबिथाइनि बोरोनथाइजों
हामानि थाखोसे हादामखौ
अन्थाइ जारिमिननि राजबारि
बैरागि नाइखां लाइसिफोराव
थैजों लिरजेननाय बुध्दिगोनां जिबनि
आसार सोदोमस्रिनि सोदोबा
गिबि राव , हारिमु , धोरोम ।

गोजाम खौरांमानि मुंजों
बिबुंथिगिरिनि सैथो लिरथि बुंथिजों
रैखाथिनि हामा - हादामाव
फांसे बिफांनि रोदाया
राज राज्यो गायसनबाय  ।

थमेनना बेखेवहोबाय
दुब्रि हाग्रानि निहोरजों
उन्दुस्रिनाय थाइनै मेगनखौ
हामाखुलि - दैमाखुलि बारहावानि
गिबि बुहुम जोनोमथिलि मिथिंगायाव ।

गिबि आगाननि आगाजों
मोनसे जुगामि बोथोराव
गोगो सोदोबनि बाख्रिखौ
आसार खान्थिनि आगाजों
गारां गोनां सुर बोनानै
फांसे बिफांनि रोदाया
फुलिगोनां हामायाव फेहेरबाय
फिसा - फिसा आगाजों
बुध्दिगोनां जिबनि जोनोमथिलि ।

***************************