*** अन्थाइ टापानि गोजा थैसाम ***

*** अन्थाइ टापानि गोजा थैसाम ***
   By :- Bangbula Brahma Uzir

* बै हाजो सेरफां हालामनि
दैसा जिरि निजोरायाव
नोंनि सोलेरनि गोजा थैआ
दैसारि सिख्लाजों गोरोबफाना
दैफांखुलि फारसे बोहैलाङो  ।
    जेरावबो
जाहार बारि हामा - हादान
हाथासि खाब्रां बोथोर
 बेयावबो
सोरजि जाबाय जारिमिननि सल'
सना गाबनि दाहाल - थुंग्रिजों ,
लोवसावनाय फाखननि जेथोयाव
सिलाइ - बारुदनि सोगोमनायजों
गोजा थैनि लाथा - लाथा थैसामा  ।
   ब्रै दिगनि संसाराव
आनाननि सोरजिनायजों
अन्थाइ बिदिन्थानि मुगायाव
आलांनि खांखुवा अरगेंफोरा
मनग्लाबबाय जाहारबारि हादामखौ  ।
  बेयावनो लुफावजाबाय
नोंनि सोलेरनि गोजा दुंब्रुद थैआ
चुनामिनि आलाइखुंग्रि दैसायाव   ।
   खैसादनि अहंकार जेथोफोराव
जिउ गोनां सोदोमस्रिनि आसारफोरा
जाहारबारि आलाइखुंग्रि दैसायाव
  नोंनि सोलेरनिफ्राय
ओंखारनाय दुंब्रुद गोजा थैआ
अन्थाइ टापायाव गोरोबफ्लेना
 थैसामनि महर लाबाय  ।
उन्दै गाथोननि नखर बाख्रियाव
अननाय - खांनाय गैयै गोथै बारियाव ,
गुनजेर अरफ्लेनाय जाहार बारियाव ,
नोंनि जिउनि जोनोम - थैनाया
लाथा - लाथा थैसामजों
 बैरागि हादर लाइसिफोराव
आखाइनि हांखोजों लिरनाय - जोहोलाव ...।।
*********************************