Mina ubaba uyangidida

Mina ubaba uyangidida

Mina kubaba ngijeza ngingone lutho.
Umezokwenza okubi isbonelo mele kube imina.
Sekwaba insakavukela uswazi lugaxwa kumina.
Angisawapholisi amanxeba ayizolo ngoba ngiyazi uzongiphinda.
Angithi sengize ngajwayela sekwabanzima nokulila.
Isimingaki iminyaka ngifika kuye ngikhala ngiheyiza.
Kufane nokuthela amanzi emhlane wedada.
Hhayi ngoba engangizwa uyangiziba .
Kulesisimo sami uyena umenzi mina ngingumenziwa.
Hhayu ngoba angidala yini ,cha ngoba uyangihluphekisa.
Wathi  vumelani izingane zize kuyena ,eziza kuye uyazijezisa ezishenxayo uyazibusisa.
Mhlambe ukuthi angisindisiwe , mina ubaba uyangidida.

Ngikhuleka ngize ngikhulume ngezilimi ngingezwa nokuthi ngithini ,ungaz' uthi  ngiqinisile mangithi indlebe yami iyachichima.
Alidekayo phambi  kwezitha zami elokuthi ngibe yinhlekisa.
Uze  azinike nezigqiki zokuhlala zinethezeke.
Mangisho njalo  ungaz'uthi ngiyeyisa.
Nolimi libuye lushelele ngyaxolisa .

Ngisho ngingone lutho intethelelo ngiyayicela.
Ngizivuma ngize ngiziphike izono ngibe ngimusulwa.
Angithi  vele ngizogwetshwa.
Ngibabuka bewaphonsa amatshe abangenazono.
Ngiyacabanga lona olandelayo owesikhombisa.
Lona okade ephambi kwakhe ujikile ebengabaza.
Zakhula ngaze ngazigunda bengithi nawami asezinweleni.

Ziluma zize zivele utwayi ilokhu ngithi  iyeza.
Ngiwaphupha ecwebile aze adungeke lutho inhlanhla.
Emusamu ngiyishisa ngize ngiyisakaze ngesibhakela
Ngidube kuyafana ngikhuluma ngedwa.
Intambo yasokhalweni yona-ke angiyikhiphanga yazigqashukela.
Amanzi olwandle ngize ngawafaka ushukela.
Angisaliphathi olotswayi olumahhadla luze lwancibikala.
Amakhandlela avuthe aze aphela.
Angichathi kuphela ngize ngigqume ngiphalaze.
Ngamanzi ancwele ngiyachela
Mangingaphika nezibazi ngingabhala kuze kuyoshona ilanga.