Zindagi ki talaash mein...

Main pahado pe, dariya mein aur kailash pe hu,
Main ek nai zindagi ki talaash mein hu,
Talaash aisi jisme ek kaash ho,
Jaise ek arse baad pinjre k parindey ko mila aakash ho.
                                Us nai zindagi ka aaftaab kabhi dhale na,
Mahobbat zindabaad rahe aur dil kisi ka jale na.
                              Jaha samundar ho aur usme kagaj ki kashti ho,
Kacche gharo se bani ek pyaari basti ho,
Naam ho logo ka,
Aur ek garib hasti ho.
                               Dil mein kuch aisi zindagi ki hasrat ho,
Jaha sukoon ho, khairiyat ho aur ek duje ko ek duje ke liye fursat ho.
                             Jaha insaniyat ki shaksiyat ki badnami na ho,
Jaha bazaro mein ishq-mahobbat ki nilami na ho.
                            Jaha log puchte ho tabiyat ka hawala,
Kam hi sahi par mil-baat kar khate ho niwala.
                           Ishq ki aabad taqdeer ho,
Jaha mukammal pyar ho, ranjha sang heer ho.
                          Ab toh sirf jeena ek fasaana hai,
Khaufnaak zamaana hai.
                          Zindagi toh hai par maut jyada haseen hai,
Dil kaale sirf diwaare rangeen hai,
Khilkhilate gulshan nahi bas banzar zameen hai.
                         Ghar mein girti diware aur ek tuta chapra hai,
Shamshan mein taiyaar zindagi ka makbara hai.
                         Kaash! Aashna ki kalam koi kamaal karde,
Shaayad meri ye nazm kisi soye ko jaga de,
Aur ruhaani zindagi ka aagaz karde.
                         Ant mein apni kavita ko aaram dete hue yahi kahugi ki...,
Khwabo ke pahiye ko aur nahi ghumana hai,
Ab ise Haqeeqat banaana hai.

Shukriya/Dhanyawaad