I gåtbu na tano’-ta, Marianas

Katotsi na man bunitun isla siha gi hålum Pasifiku
Ti bula na taotao siha tumungu' månu ni gaigi
Gof dikiki esti na tånu siha, i tånu i taotao man Chamorro yan Refaluwasch
I gåtbu na tano'-ta, Marianas

Sen mångngi' i lina'la yan na'maguf i sinenti guini gi isla siha
Maseha kumu man ginen Sa’ipan, Tini’an, Luta pat i sankåttan na isla siha
Mampus man respetao todu I taotao-ta siha
Giya I gåtbu na tano'-ta, Marianas

På'gu na tiempu
Esta malilingu i lingguahi-ta
Sa ti meggai siha tumungu i kutturå-ta
I gåtbu na tano'-ta, Marianas

Mampus man na'ma'asi' i fama'guon-ta
Ti parehu på'gu yan gi åntis na tiempu
I mañainan-niha ti ma na' tatkilu i kustumbri
Giya I gåtbu na tano'-ta, Marianas




Gof inputtånti na para ta prutehi yan difendi
Yan ta na' sen tatkilu esti na mensåhi
Para i futturan i man mammaila na henerasion siha
I gåtbu na tano'-ta, Marianas

Tåya mås pao iniffek'ta kumu i taotao-ta siha
Esta bula taotao-ta siha manhånao para ottru na tånu
Ma dingu i risponsibilidåt yan i irensian-niha
Giya i gåtbu na tano'-ta, Marianas

Maila på'gu ya ta fan at'got'ti kånnai
Ya ta na metgut ta'lu todus hit ni taotao Marianas
Gof ta nesisita na ta na’ fitmi I fondun måmi
I gåtbu na tano’-ta, Marianas

Put fabot cha’miyu fan maleleffa
Nu i leksion siha ginen i manåmko’-ta siha
Espisiåtmenti i che’chu’ man rikoi yan mafatinas åmut hinemlu siha
Giya I gåtbu na tano’-ta, Marianas

Maila ya ta håksa giya hululu esti na prumeti
Na para ta kuntinua fumanå'gui i famagu'on-ta siha
Put i lingguahi, i kustumbri, yan i kutturå-ta siha
Biba tano’-ta, Marianas!