Ek kitaab

Ek kitaab thi badi si,
Mez par gumsum padi si.
Ek din kuch dhoondte dhoondte, yoohi uss par dhyaan gaya.
Yoohi hogi khaali si, aaisa mujhe khayaal aaya.
Chalo khol kar dekhte hai,
Tajassus humaari bhagaate hai.
Pehela paana khola jab,
Aankhein chauk gayi thi tab.
Dekhi usmein maine, ek shakal apni si,
Bholi si, pyaari si, ek shakal chand si.
Woh shakal badi masoom si thi,
Yaadein humaari judi si thi.
Woh tasveer thi ek raahat ki,
Meri apni maa ki.
Dekh kar unhe saamne, aansoon mere nikle,
Woh badi ajiz hai, isiliye beshoomaar nikle.
Kuch panne palte haule se,
Kisi maashuka ke baalon se.
Phir ek ibaarat dikhi,
Usmein saari kahaani jhalki.
Shuru kiya jab padhna maine, yaad mujhe uski aayi,
Koi Raanjha nahi, koi Farhaan nahi, yaad toh mujhe apni aayi.
Kaise main bebaak si rehti,
Kaise apne harfon se sab kuch khehti.
Kaise main kahaaniyaan banaati,
Kaise main unko jeeti.
Ab toh khair woh samay nahi,
Ab toh main "main" nahi.
Phir socha chalo jaane de,
Kyu uski yaad aane de.
Woh bita hua kal hai,
Waapas na aane waala hai.
Phir se panne palte maine haule se,
Patto par gire paani se.
Iss baar mujhe mili ek kahaani,
Aaisi waisi nahi, pyaar ki ek kahaani.
Toont chuki thi tab main bohot,
Ghanw gehre the dil mein bohot.
Padh kar apni naadaaniyan,
Socha ki kyu itni ki bewakoofiyan.
Phir aaya dhyaan mein,
Aaj bhi hoon main usi haal mein.
Aaj bhi kisi ke pyaar mein,
Chont khaayi hai haal hi mein.
Khayaalon se nikal kar,
Phir utri panne par.
Aage padha toh yeh paya,
Ki tab maine sukoon khud mein paya.
Phir socha ki main sahi thi,
Chhoti si hi sahi, par badi samajhdaar thi.
Phir maine yeh tay kiya,
Usase na ab lagaaungi jiya.
Pyaar karungi toh khud se hi,
Ruthoongi bhi toh khud se hi.
Phir mili jo raahat mann ko,
Jaise beech majhdhaar mein naav kisi ko.
Phir maine khushi khushi mein hi,
Panne palte aur bhi.
Phir dekha ki main toh pagli pehele se hi,
Shayariyan likhati Ghalib si.
Pyaar mein na jaane kaha kaha se,
Utaarti lafz kaagaz par kalam se.
Ab toh barhaal aaisa nahi hota,
Pehele ka sa samay nahi milta.
Naa jaane kab padhte padhte,
Ant tak pahochi main jhhatse.
Phir rakh di maine woh kitaab,
Jismein likha hai meri zindagi ka hisaab.
Kitaab rakhkar mez par,
Haath rakha phone par.
Call lagaya maa ko,
Haal-e-dil bayaan karne ko.
Laga maa gussa karegi,
Daant-dapat bohot lagaayegi.
Kaha unhone sirf itna,
Banane na dena isse fitna.
Ab toh jo raahat mili,
Dil mein ek umeed si khili.
Ab toh laga jaise ki sab kuch bhulakar,
Main so jauangi bistar par.
Umeedein naye kal ki lekar,
Khud se kadam mila kar.
Kya hota jo aaj main dhundhti na apne samaan ko,
Kya yoohi kabhi baith kar de paati main samay khud ko?