Ek Parinda Aasman Se Mohabat Karne Laga

ek parinda aasman se mohabat karne laga
roj uss tak pahuchne ki duaye karne laga
khud hi khud se baate karta , khud hi khud ko samjhata
mera mehboob hai sabse pyara, yeh keh kar muskurata
uss tak pahuch na paau toh kya hua, uske aagosh me udd toh sakhta hu
usse shu na pau toh kya hua, usse jee bhar k dekh toh sakhta hu
khud ki saanse bhulkar , dhadkano se ibadat karne laga
ek parinda aasman se mohabat karne laga

badal,chand,taare kitne khushnasib hai, jo har waqt uske pas rehte hai
kya woh bhi aasman se meri tarah mohabat karte hai?
nahi, woh sab toh swarthi hai ,samay samay par aasman ka saath chodh dete hai
chand taare din me nazar nai aate , badal bhi mausam k saath muh mod leta hai
ek main hi  hu jo har waqt usse dekhta rehta hu
pagalo ki tarah uss se pyaar karta rehta hu
fir bhi woh mujjhse baat nahi karta ,kya main itna bura hu?
mere aansu dekh kar bhi chup rehta hai.kya main itna bura hu?
durr khade unn parvato se toh acha hi hu jinse woh dinn bhar lipta rehta hai
kaise kaale kalute dikhte hai woh, fir bhi besharam unse hi batiyata rehta hai
main toh uski tasveer se hi khush ho jaata hu jo mujhe talab me nazar aati hai
ek woh hi toh hai jisme meri aur uski surat saath saath nazar aati hai

dekhna,agle janam me main suraj bann kar aaunga
uske ghar me ujala rakhne wala deepak kehlaunga
jab dinn bhar k kaam se main thakk jaunga
toh raat ko uske baahome sojaunga
dil me janam janam k jazbatt rakhne laga
ek parinda aasman se mohabat karne laga