Kutalwa kweNkhosana

Lalisibekele lishay' matse etimphungane,
Imvelo yayiphikisana ngetinkhulumo,
Angiyiteki yeti-nkonjane betikhashane.
Tinkhomo tikhala kwangatsi kukhona lefako,
Ematfole atjakadvula akhomba injabulo.

Bomake bangena baphuma ekamelweni,
Bonkhe bebalindzel' inkhosatane.
Kwabonakala ngelilanga licoshwa inyeti,
Ngisho ngembulukusa phela ngaphambi kwekutsi livale.
Kwamangala ngisho nemakhosi aka-Nkosi,
Angamange avakashele esgodlwen' kuyobika.

Bamkhipha ekamelweni basondzela esibayeni,
Tabhonsa tinkhomo, layidliva litulu.
Kwabonakala ngetinkhomo tisondzela dvute,
Kwavakala bu-ngwa ngwa ngwa.
Kwamangala makhosi phansi kwesihlahla.

Kwakhuta talukwati umsindvo bewentiwa ngumntfwana
Tavala tindlebe ngoba bewendlulele,
Kwatise phela kutsi yinkhosana.
Asondzela makhehla ambika edlotini.

Kwavala imbuti ikhal' kanye nenkhomo,
Kubongwa lona lidloti lakankhosi.
Kwasuka intfutfu yaya etulu,
Savula sibhakabhaka,
Kwavela lilanga, abaleka mafu.