Wag Ako

WAG AKO
by Chill

Pwede ba, wag ako?
Matagal ko ng gustong sabihin sayo ito
Alam mo namang ayaw kong naiiwan
Pero bakit mo mas piniling lumisan?

Pwede ba, wag ako?
Sawa na kasi ako sa mga pangakong laging napapako
Sa mga matatamis na salitang tinuran mo
Tapos sa dulo iiwan mo lang pala ako

Kaya pwede ba, wag ako?
Wag ako yung maging dahilan ng pagbalik mo
Alam ko namang nasaktan ako sa pag-alis mo
Pero hindi pa talaga ako handang humarap sayo

Pwede ba wag nalang ako?
Kasi sa totoo lang hindi ko alam kung paano ko sasabihin sayo ito
Alam kong dati ay binalaan mo na ako
Yung lalaki kasing inakala mong mas matimbang kaysa sayo ay niloko lang pala ako

Sana wag nalang ako
Kasi nung mga panahong nasasaktan ako sakanya
Naaalala kita
Na sana nasa tabi nalang kita

Kaya sana hindi ako
Hindi ako yung maging mundo mo
Kasi hindi rin naman ako perpekto
Nagpapabago pa ako kay Kristo

Parang awa mo na wag nalang ako
Ayaw ko na kasi ng mga palalo
Yun bang mas uunahin ang mundo kaysa kay Kristo
Pasensya ka na, ayaw ko na kasing lumiko

Wag ako
Kasi sawa na kong maloko
Sawa nakong sandalan yung mga taong iiwan lang pala ako
Ayaw ko ng umiyak sa dulo

Wag na sana ako
Hindi na kasi ako yung babaing nakilala mo
Nag-iba na ang aking mundo
At sana maunawaan mo ito

Hindi ko naman ginustong lumayo sayo
Pero kailangan ko
Ramdam ko kasi na basag na ako
Oo, durog na ang puso ko

Sugatan na ang buo kong pagkatao
Gusto ko na ngang sumuko
Pero nakatagpo ako ng alternatibo
At ayun ay ang lumayo sayo

Manatili ka sanang masaya
Masaya, kahit na hindi na ako
Hindi na ako yung laging kasama mo
Ngunit pakatandaan mo na lagi kang nasa panalangin ko