Analysis of ಒಮ್ಮೊಮ್ಮೆ ಕೊಡುವ ತಂಪು

ಬಿಸಿಲಿನ ತಾಪಕೆ ಧರಣಿಯ ಮಡಿಲಲಿ
ಅನ್ನದಾತನ ಬದುಕು ಬೆಂದಿತ್ತು ನರಳಿ
ಸೂರ್ಯನ �
ಾಖವು ಅಧಿಕವಾಗಿತ್ತು
ಮಳೆಯ ತಂಪು ಇಳೆಗೆ ಇಲ್ಲದಾಗಿತ್ತು!!

ಧರಣಿಯ ಚುಂಬಿಸುವ ಮಳೆರಾಯ
ಗುಡುಗು ಮಿಂಚಿನ ಆರ್ಭಟ ತೋರಿರುವ
ಧಗಧಗಿಸುತ್ತಿರುವ ಬಿಸಿಲಿನ ಕಾವು
ಹೇಳದೆ ಕೊಡುವುದು ಒಮ್ಮೊಮ್ಮೆ ತಂಪು!!

ನಟ್ಟಿರುಳಲಿ ಗಾಳಿಯು ಬೀಸುತ್ತಾ
ಆಕಸ್ಮಿಕವಾಗಿ ಬಂದ ಬಿರುಸು ಮಳೆ
ಒಮ್ಮೆಲೇ ಎಚ್ಚರಿಸಿತು ನಿದ್ರೆಯಿಂದ
ಬಡಿಯಿತು ಮೂಗಿಗೆ ಮಣ್ಣಿನ ಕಂಪು!!

ಮುತ್ತು ಅದಾಗಲೇ ಹೆಪ್ಪಾಗಿ ಹೋಗಿತ್ತು
ಚಿಗುರುವ ಹಸಿರೆಲೆಗಳ ಮೇಲೆ
ಮುಂಜಾವಿನ ಕೋಗಿಲೆಯ ಗಾಯನ
ಕೇಳುವ ಕಿವಿಗಳಿಗೆ ಬಹಳ ಇಂಪು!!

ತಡ ಮಾಡದೆ ಉದಯಿಸಿದ ಸೂರ್ಯ
ಬೆಳಕ ತೂರಿ ಬಂದಿದ್ದ ಕಿಟಕಿಯಂಚಲ್ಲಿ
ಬೆರಗಾಗಿ ನೋಡುತ್ತಾ ನಿಂತೆ ನಾನಲ್ಲಿ
ಪುಷ್ಪವನವೆಲ್ಲಾ ಅರಳಿ ಬಲು ಸೊಂಪು!!

✍️ ಪುಷ್ಪ ಪ್ರಸಾದ್ ಉಡುಪಿ