****आंनि सानजारां सनामुखि****
***आंनि सानजारां सनामुखि***
By - BANGBULA BRAHMA UZIR
* नायहर हनै
रोमै - रोमै उदां अख्रांनि
निजोम खोमसि हराव
आंनि गोरबो बिखायाव
थरसे हाथरखि सनामुखि
जिउनि जुलिआ ।
अखानायसि
सोरांसि नोङो........
जिउनि फुंबिलियाव
गोरबो बिखायाव उफ्ले - उफ्ले
दाउखख्लिंनि गोदै देंखोआ
गोमजोरै रिंखांफैयो ।
सनाजुलि बुहुमनि
गोगो दैनि बिखुङाव
लैथोनिख्रुइबो गुवारसिन
आंनि थार अननायफोरा
बेयावनो बेरखांथोंसै
नोंनि जोंखोल महराव
थैजों लिरनाय
खाफालनि गोजा सिन्दुरा ।
आंनि सुजुनाय जारिमिननि
थांखि लामाया दोंसेआनोमोन
जायनि सिमाङा सिमांल' ,
गोजोन गैयै , अननाय गैयै ,
फोथायखेबस' संसाराव
सैथोआ खाना नांनाय ।
आंनि सोलेराव
मोगथाङाबो अखा खोरोमनायबादि ,
आंनि संसाराव
बेनो जाखांफिनथोंसै
नोंसोर मायालुगिरिनि अननायाव
आंनि सानजारां सनामुखि
जिउनि जुलिआ ।
***********************************
© Poetry.com