Hey Prabhu

Hey Prabhu is daas ki itni vinay sun lijiye
Iss baar meri naav ko uss paar to kar dijiye

Main nahi darta parlay se maut ya toofaan se
Main nahi darta parlay se maut ya toofaan se
Kaanpti hair rooh meri , bass sada imtihan se

Iss bhayank bhoot ko
Iss bhayanak bhoot ko kisne kiya ijaad thaa
Who aadmi thaa ya kisi shaitan ki aulad thaa.

Paath Padhna, yaad karma , yaad kar ke sochan
Paath padhna , yaad karma, yaad kar ke sochna
Sochkar likhna usse, likh kar usse fir sochna

Taain taan taan , taain taan taan , roj ratt taa hoon prabhu
Pustakon ke raat din panne palat taa hoon Prabhu
Bhagya mein fir bhi naa jaane kaunsa abhishap hai
Raat ko ratt taa subah maidan milta saaf hai

Pi gayi English hamaari khopri ke khoon ko
Main samajh paayaa nahi iss betuke majnoon ko
Phool hona chahta thaa, fool mujhko kar diya
Jindagi bhar likh na paya mein Checkoslovaakiyaa
Aur Algebra jaaegi mujhko jar se pachaa
Bhai teen mein se chhe gaye to aur kya baaki bacha?

Naas ho itihaas ka sanke samandar beh gaye
Naas ho itihas ka sanke samandar beh gaye
Mar gaye who log rone ke liye hum reh gaye
Shajahan, Babar Humayun aur Akbar aap thaa
Kaun tha beta na jaane kaun kiska baap thaa

Bhugol mein gat varsh aayaa , Gol hai kaise Dhara???
Aur main ek pal mein likh diya uttar khara
Gol hai poori kachori aur papad gol hai
Gol rasgulla jalebi aur laddu gol hai
Gol gappa gol hai munh bhi hamaraa gol hai
Iss liye hey masterji yeh dhara bhi gol hai

Jhoom uththe Masterji iss anokhe gyaan se
Jhoom uththe Masterji iss anokhe gyaan se
Aur parche par unhone likh diya yeh shaan se
Theek hai beta hamaari lekhni bhi gol hai
Theek hai beta hamari lekhni bhi gol hai
Gol hai daawaat , number bhi tumhaaraa gol hai
Hai Hindi ki jagah mein aaj Hindaa likh gaya
Hai Hindi ki jagah mein aaj Hindaa likh gaya
Bhains ko pashu ki jagah mein to parinda likh gaya

Ram Ramo Ram Ramo hai pyaari sanskritam
Mar gyaa mein tum na aayi rachchh gachch katumaram
And mandam chand khandam rund mund chatapatam
Chatt roti patt dalam chatt patt safachatam

Yeh pariksha ka samay jyun jyun nikat aane laga
Pustakon mein ek bass tu hee najar aane laga
Chhor kar saare sahaare aa gyaa mein dwaar par
Maar ghunsa laat thappar kintu beda paar kar
They Sudama bhi hamare purwajon ke hee pita
Mere pitamah ke pitamah ke pitamah ke pita

Hey dayamay , har tarah se mein daya ka paatr hoon
Naam hai Prabhjot mera gyarahvi ka Chhatra hoon.

JAI HO!!!!