Rate this poem:(0.00 / 0 votes)

Jeemsie Miller

Violet Jacob 1863 – 1946



There's some that mak' themsels a name
Wi' preachin', business, or a game,
There's some wi' drink hae gotten fame
And some wi' siller:
I kent a man got glory cheap,
For nane frae him their een could keep,
Losh! he was shapit like a neep,
Was Jeemsie Miller!

When he gaed drivin' doon the street
Wi' cairt an' sheltie, a' complete,
The plankie whaur he had his seat
Was bent near double;
And gin yon wood had na been strang
It hadna held oor Jeemsie lang,
He had been landit wi' a bang,
And there'd been trouble.

Ye could but mind, to see his face,
The reid mune glowerin' on the place,
Nae man had e'er sic muckle space
To haud his bonnet:
An owre yon bonnet on his brow,
Set cockit up owre Jeemsie's pow,
There waggit, reid as lichtit tow,
The toorie on it.

And Jeemsie's poke was brawly lined,
There wasna mony couldna' find
His cantie hoosie i' the wynd,
"The Salutation":
For there ye'd get, wi' sang and clink,
What some ca'd comfort, wi' a wink,
And some that didna care for drink
Wad ca' damnation!

But dinna think, altho' he made
Sae grand a profit o' his trade,
An' muckle i' the bank had laid,
He wadna spare o't,
For, happit whaur it wasna seen,
He'd aye a dram in his machine,
An' never did he meet a freen'
But got a share o't.

Ae day he let the sheltie fa'
(Whisht, sirs! he wasna' fou - na, na!
A wee thing pleasant - that was a',
An' drivin' canny)
Fegs! he cam' hurlin' owre the front
An' struck the road wi' sic a dunt,
Ye'd thocht the causey got the brunt
And no the mannie!

Aweel, it was his hin'most drive,
Aifter yon clour he couldna thrive,
For twa pairts deid, an' ane alive,
His billies foond him:
And, bedded then, puir Jeemsie lay,
And a' the nicht and a' the day
Relations cam' to greet an' pray
An' gaither roond him.

Said Jeemsie, "Cousins, gie's a pen,
Awa' an' bring the writer ben,
What I hae spent wi' sinfu' men
I weel regret it;
In daith I'm sweir to be disgrac't,
I've plenty left forby my waste,
An them that I've negleckit maist
It's them'll get it."

It was a sicht to see them rin
To save him frae the sense o' sin,
Fu' sune they got the writer in
His mind to settle;
And O their loss! sae sair they felt it
To a' the toon wi' tears they tell't it,
Their dule for Jeemsie wad hae meltit
A he'rt o' metal!

Puir Jeemsie dee'd. In a' their braws
The faim'ly cam' as black as craws,
Men, wifes, an' weans wi' their mamas
That scarce could toddle!
They grat - an' they had cause to greet;
The wull was read that garred them meet -
The U. P. Kirk, just up the street,
Got ilka bodle!
Font size:
 

Submitted on August 03, 2020

2:38 min read
2 Views

Violet Jacob

Violet Jacob (1 September 1863 – 9 September 1946) was a Scottish writer, now known especially for her historical novel Flemington and for her poetry, mainly in Scots. more…

All Violet Jacob poems | Violet Jacob Books

(0 fans)

Discuss this Violet Jacob poem with the community:

0 Comments

    Translation

    Find a translation for this poem in other languages:

    Select another language:

    • - Select -
    • 简体中文 (Chinese - Simplified)
    • 繁體中文 (Chinese - Traditional)
    • Español (Spanish)
    • Esperanto (Esperanto)
    • 日本語 (Japanese)
    • Português (Portuguese)
    • Deutsch (German)
    • العربية (Arabic)
    • Français (French)
    • Русский (Russian)
    • ಕನ್ನಡ (Kannada)
    • 한국어 (Korean)
    • עברית (Hebrew)
    • Gaeilge (Irish)
    • Українська (Ukrainian)
    • اردو (Urdu)
    • Magyar (Hungarian)
    • मानक हिन्दी (Hindi)
    • Indonesia (Indonesian)
    • Italiano (Italian)
    • தமிழ் (Tamil)
    • Türkçe (Turkish)
    • తెలుగు (Telugu)
    • ภาษาไทย (Thai)
    • Tiếng Việt (Vietnamese)
    • Čeština (Czech)
    • Polski (Polish)
    • Bahasa Indonesia (Indonesian)
    • Românește (Romanian)
    • Nederlands (Dutch)
    • Ελληνικά (Greek)
    • Latinum (Latin)
    • Svenska (Swedish)
    • Dansk (Danish)
    • Suomi (Finnish)
    • فارسی (Persian)
    • ייִדיש (Yiddish)
    • հայերեն (Armenian)
    • Norsk (Norwegian)
    • English (English)

    Citation

    Use the citation below to add this poem to your bibliography:

    Style:MLAChicagoAPA

    "Jeemsie Miller" Poetry.com. STANDS4 LLC, 2022. Web. 18 Aug. 2022. <https://www.poetry.com/poem/56876/jeemsie-miller>.

    Become a member!

    Join our community of poets and poetry lovers to share your work and offer feedback and encouragement to writers all over the world!

    August 2022

    Poetry Contest

    Enter our monthly contest for the chance to win cash prizes and gain recognition for your talent.
    13
    days
    5
    hours
    37
    minutes

    Browse Poetry.com

    Quiz

    Are you a poetry master?

    »
    What is the term for the continuation of a sentence without a pause beyond the end of a line, couplet, or stanza.
    • A. Line break
    • B. Dithyramb
    • C. A turn
    • D. Enjambment