*** आंनो सोदोब आंनो ओंथि****

*****आंनो सोदोब आंनो ओंथि *****
By - Bangbula Brahma Uzir

*आं
माबादि सोदोब
सोरनि मुङाव
माबादि ओंथि ?

आं
सोरनि साननायाव
माबादि सोदोब
मानि ओंथि ?

आंखौलाय
सोरथो मिथिनो
गोरबो गोसो मोनसेजों
आंनि सोदोब आंनि ओंथि
दं ना गैया ?

माब्लाबा
आं सुबुंनि गेजेराव
फंसे सोदोब
माब्लाबा सुबुंनि
फंसे ओंथिबो ।

आंखौ
सुबुङा साननो हागौ
गावनि मुंनि असे
सोदोबनि ओंथिखौ
नाथाय बबेयाव नागिरनो
आंनि जोनोमा आंनि थैनाय
बेनो बे ?

आंखौ
सुबुङा सोरबाबा मिथिगौ ,
सोरबाबा मिथिया ,
थार गावनि मुंनि असे
सोदोबनि ओंथिखौ
फोरमान आरो आन्जाद खालामनो
नागिरबायदों जिउ लामायाव ।

आंनि
सोदोबनि ओंथिखौ
सुबुङा अरायबो मोजां समजों
नागिरबायदों एखे बिहुं बाख्रियाव
आंनि सोदोब आंनि ओंथि
नाथाय बबेयावमोन ?
आंनि जोनोम आंनि थैनाया
बेनो बे
आंनो सोदोब आंनो ओंथि ।
*****************************