Ek baar fir !

Ulajhna padta hai sulajhne ke liye!
Bikharna padta hai fir se simatne ke liye!
Islye...

"Chalo fir se ek baar pehli baar milte hain!
Fir se ek dusre ki itra ki tareef karte hain..
Tum fir se ek baar mera gali mei intezar karna
Mujhe yaad dilana kaise hai khud se pyar karna
Main tumhare call ka intezar karungi..
Tum yunhi achanak mere samne aa jana..
Tum fir se ek baar mujhe apne hone ka ehsas dila do..
Tum ho kar bhi ho, ye ek baar fir saabit karke dikha do..
Chalo fir se ek baar kasmei khate hain, sath marne , sath jeene ki baatein karte hain
Main beshak tumse pehle chali jaun.. par tum mere hone ki umeed barkarar rakhna..
Chalo aaj, fir se pehle se shuru karte hain..
Tum mera chehra padh , mujhe seene se laga lena...

Main tumhe zyada der nai rokungi..
Tum agle hafte milne aao ... aisi zid nai karungi..
Bas tum mujhse puch lena tum kaisi ho..
Ek baar fir keh dena ki tumei main yaad aati hun...
Main khush ho jaungi ye soch kar ki tum hi meri duniya ho..
Ek baar fir se sapne bun lungi.. ki humara kal kitna haseen hoga..
chalo ek baar fir sirf tum aur main ladte hain.. sirf ek dusre ke liye ladte hain..
Tum kehna tum mere liye sab chhod doge..
Main fir tumhe apni kasam dekar tumhe vapis bhej dungi..
Chalo ek baar fir milte hain! Fir se anjaan ban jate hain.. !"