ANG PLUMANG PUNYAL NG KABATAA’Y BOSES NG LIPUNAN

Samot-saring paggambala sa mundo’y naglipana.
Saan mang sulok ng daigdig yaring kalabisa’y ‘di masupil.
Takot at pangamba’y nananahan sa puso ng mga madla.
Maging katotohana’y ‘di maibulalas sa isipan ng mapaniil.
Sa panaho’y napagtanto ang kaakibat ng pagtahimik…
Ito’y waring pagtarak ng gulok sa’ting katauhan.
…Magmasid at alamin ang tunay na salik,
Kasaguta’y tiyak na sa ati’y magbibigay kamalayan.
Plumang punyal ang wawakas sa yaring pagdarahop.
Pakikiisa sa pagsulat mula sa puso’y nawa’y magtanggol.
Ihayag ang damdamin ng lipunan ayon sa kaloob.
At sa bayang sinilanga’y magbibigay pugay at luluhod.
Usigin ang konsensiya ng mga tampalasang mapanudyo.
Gisingin ang natutulog na diwa ng mga kapwa nating Pilipino.