Manlalakbay (Part II)

Manlalakbay (Part II)
by Danah and Chin

June 21,2018
10:18 AM

Ang bawat manlalakbay ay dapat magpatuloy sa daan
Maging luhaan man o sugatan
Dapat paring lumaban
Kaya naman tumayo ako at isinantabi ang nararamdaman

Sa pagpapatuloy ng aking paglalakbay
Ako ay may napunang sa akin pala ay may nakaagapay
Matagal na nga pala siyang naka-alalay
At sumusunod ng walang humpay

Nandyan na siya bago pa man dumating ang mananayaw
Siya nga pala ang naunang sumabay sa aking mga galaw
Ang naunang sumubaybay sa aking mga layaw
Siya'y nandyan na at tinulungan akong maglakbay

Isinakay niya ako sa kanyang barko
Kaya, muli na naman akong nahumaling sa ganda ng mundo
Napatitig at nasilaw sa mukha ng kapitang nasa harap ko
Tila ba hulog siya ng langit at nalaglag sa puso ko

Bawat kumpas at galaw niya'y nakakahumaling
Sa kanya ako natutong tumula
Sa kanya ako natutong mangutya
At siya rin ang nagturo sa kin ng mga bagay na talagang nakakamangha

Nakabubulag nga naman talaga ang kanyang mga katha
Kaya naman ako ay nabigla
Hindi ko kasi akalaing ang kapitan ay mapagkawang gawa pala
Sapagkat apat pala kaming babae ang nakasakay sa kanyang bangka

Masyado kasi akong natuwa
Akala ko kasi akin ang atensyon niya
Hindi naman ako naabisuhan ng maaga
Kaya niya naman pala magsabay sabay ng gawa... At naitago niya pa nga

Nakakatuwa mang isipin
At masakit man sa damdamin
Umalis ako sa barkong kaya niyang manipulahin
Nagtayo nalang ako ng sarili kong barko

Naisip kong hindi naman ako dapat nakadepende sa tao
Ngunit hanggang dito ay tanaw ko parin ang kanyang barko
Sa Iisang dagat lang kasi kami naglalayag
Kaya naman tanaw ko parin ang kanyang layag