Alaala

Alaala
by Danah and Chin

Naalala ko pa ang dagat
kasabay nito'y ang kislap ng iyong bawat pagsulyap
Naalala ko pa ang tubig
na para bang kaylinaw ng mensahe ng iyong bawat galaw

Naalala ko din ang hangin
kasing lambing ng mga tinig mong sakin ay humahambing
Naalala ko ang init ng sinag ng araw ikaw na sa akin'y minsa'y nagmahal

Naalala ko ang mga ibon sa langit
Imahe ng ating bawat lambing
Naalala ko ang mga buhangin
ang aking paulit ulit na pagbasa sa iyong mga tulang alay sa akin

Naalala ko ang aluskos ng mga puno
Kasabay ng iyong mga tawa at patawa sa akin
Naalala ko ang mga isda
Na tila ba tayong dalawang magkasama

Papalapit na ang gabi sa dalampasigan
Unti unti ng lumilisan ang mga isda
Wala nang tunog ng mga puno na maririnig
Hindi na masilayan ang mga buhangin
Umuwi na ang mga ibong dati'y lumilipad sa langit

Palamig na ng palamig ang paligid dahil ang sinag ng araw ay humupa na
Ang hangin ay tumigil na sa pagihip
Ang tubig ay bumaba na at tila sa aki'y ayaw ng lumapit pa
Unti unti ng lumalabo ang alaala sa akin ng dagat

Marahil may iba ng barkong naglalayag sa dagat na dati akong sinisinta
Natuto na itong humupa at maglumanay ng sarili nitong alon ng emosyon
Malayo na ang dagat
Hanggang dito muna ang aking layag.

Lumalaki na ang dating dagat
Hindi ko na siya matanaw sa dati kong daungan
Nabago na ang lahat
Parang isang unos na hindi tapat

Sa paglaki ng dagat
Magsasama pa ako ng ibang barko at magpapakatatag
Sa Diyos ako'y maglalayag
Upang sa ating muling pagtatagpo ay maayos na ang lahat