Analysis of *** गोथां मिथिंगानि जोलै *****

*** गोथां मिथिंगानि जोलै***
     By - Bangbula Brahma Uzir

* साननि ओंखारनायाव
सोरांनि रिफिनायजों
 बोला जेननाय मिथिंगानि
हासार गोनां हायाव
 निजोम निहोरजों बुंफबनाय ,
गोजा थैजों लोमसावनाय
 गोमोब्लिद गाबनि सोलेरा
दिदोम थाद'ना मावखांनाय बिखायाव,
 उदांनि बुख्लिंनाय बाराव
हामा - औवानि मोनबा बान्दोजों ,
 सिजौ सिरि गान्थिबाजों ,
थाइगिर फाइलिनि गांखं फारबाजों ,
सिब्राइ - सिबबुरैनि फंबा रावजों ,
 गरसे गोगो बेगरनिफ्राइ
 गोरलै बिदाम गावस्राना
मिथिंगाया आबुङै गोरबोजों
गुरै गांखं फारनै खिलिना
  समायना माहि महरै
गोथां गोरलै बिथ'राइ
 जोलै जोनोम होयो  ‌।‌‌
‌‌
 फुंबिलिनि जारां आलायआरन
जाइख्लंनि आगर रेबगनफोरजों
हिसानारिनि आखाइ बिलिरनायाव
  जोंथि सनानि महरफोरा
समायना मिथिंगानि बिफांफोराव
थैनि आबिर गाब गाहोबाइ ।

सोमखोर - सोमखोर मिथिंगानि
  गोरलै - गोरलै खिलिनाय
  गुरै - गुरै गांखं फारनैयाव
 रोदोमबाइ गोरबो बिथ'राइ
   गोथां मिथिंगानि जोलै  ।
*****************†****************